港聞

港聞二

上一篇

效法西方 李慧琼倡公園掛國旗

【明報專訊】報名參加立法會九龍西補選嘅工黨劉小麗,上周被選舉主任裁定提名無效、取消參選資格(DQ);民建聯主席、立法會議員李慧琼噚日喺《星島日報》發表文章,慨嘆年輕一代近年湧現脫離現實嘅思潮,特區政府今日起應喺日常生活層面,畀青年認識國家、培養民族感情,建議效法西方國家「在主要公園懸掛國旗」,形容咁做係「潤物細無聲」,值得特區政府借鑑,「也是當局有需要急起直追的地方」。

李慧琼批評,年輕一代湧現香港建國等憑空想像同脫離現實嘅思潮,「罪魁禍首肯定是部分別有用心人士,利用『兩制』頂住『一國』,或刻意妖魔化『一國』」,搞到部分青年與國家愈走愈遠,令人遺憾,而喺《憲法》、《基本法》同國民教育上,「長期未做到位」。

培養年輕人民族感情

佢建議,為咗讓年輕人認識國家及培養民族感情,特區政府各部門除咗透過學校教育外,也要「抓緊重點,作出配合,包括從日常生活推進歷史教育」。

相關字詞﹕港獨 李慧琼

上 / 下一篇新聞