港聞

港聞二

下一篇
上一篇

只發短訊 立法會提議員發言限頭3人

【明報專訊】立法會開會期間,間中都會出現會議廳入面唔夠法定人數,或者撳咗掣排隊發言嘅議員不在席嘅情况,立法會秘書處見到咁,以往不時會向議員發出提示,包括打電話、發信息畀議員。秘書處前晚就發出通告,話已經檢討安排,認為要統一做法,只會向首3名喺辯論中輪候嘅議員同修正案動議人,發送手機短訊提‍示,但唔會發送額外提示,好似唔會打電話畀啲議員;又提醒首3名排緊隊發言嘅議員,應該留喺會議室。

秘書處話,做法係希望利便立法會會議暢順舉‍行,減少可能對議員造成嘅煩擾。經立法會主席同意,秘書處將由本月起採用上述安排,並會喺6個月後檢討。

不在席移至最後發言

通告又話,如輪候頭3名議員喺立法會主席叫佢發言嗰陣不在席,佢個名會即時移至輪候發言嘅最後位‍置;如修正案動議人喺立法會主席叫喚其動議修正案時不‍在‍席,立法會就唔會處理有關修正案。唔知呢個安排,會唔會有助議員坐定定、留喺會議廳內出席會議呢?

相關字詞﹕流會 立法會

上 / 下一篇新聞