港聞

港聞二

下一篇
上一篇

華人第一位 陳家亮獲國際領袖大獎

【明報專訊】香港向來出產唔少醫學界精英,最近中文大學醫學院院長陳家亮(左)就獲美國腸胃科醫學院頒發「國際領袖大獎(International Leadership Award)」,表揚佢喺國際腸胃病學領域上嘅貢獻同領導。聽講陳教授仲係第一位獲得呢個殊榮嘅華人,Emily喺度要恭喜佢。

土生土長嘅陳家亮喺2013年,便以40多歲之齡坐上中大醫學院院長一職,仲係國際腸胃病學權威,主要研究領域包括腸胃道出血、幽門螺旋菌及癌症預防等,已經發表咗超過500份醫學研究文獻。佢仲係首批喺兩大醫學期刊《新英倫醫學雜誌》同《刺針》,以「第一作者」身分發表8篇文章嘅學者。陳院長嘅研究成果已經獲美國、歐洲同亞太區嘅醫學團體納為臨牀指引,幫醫護人員為病人制訂治療方案。

「國際領袖大獎」接受來自全球美國腸胃科醫學院成員提名,並由學院董事會獨立選出一名得獎者。陳家亮話對獲獎深感榮幸,鼓勵咗佢同團隊繼續為國際社會帶嚟更多有價值嘅研究成果,提升醫療質素。

相關字詞﹕腸胃科 中大醫學院 陳家亮

上 / 下一篇新聞