經濟

小琴密語

投資策略

下一篇
上一篇

瑞銀藝術畫 創健力士紀錄

【明報專訊】瑞銀噚日喺中環海濱活動空間,舉辦「瑞銀童心.畫出未來」大型藝術活動,仲創下「全球最大填色畫冊」健力士世界紀錄!畫冊叫做《未來的香港》,全長14米(圖),由7個小學生設計,再有500幾個來自慈善團體保良局嘅小朋友同公眾人士一齊填色,政務司長張建宗都有出席開幕禮。

呢本畫冊搜羅咗7個小學生嘅畫作,其中6個係瑞銀暨保良局美術比賽得獎者,另一個就係瑞銀員工嘅小朋友,被填色畫冊編輯Color My World揀中加入大畫冊。瑞銀財富管理大中華區主席及主管兼香港區主管盧彩雲就話,由小朋友們視角出發,可以睇到佢哋對香港未來係充滿希望。除咗填色活動,UBS當日都舉行咗「瑞銀香港公益慈善展」,畀訪客了解唔同NGO嘅工作,有超過40家NGO,同埋超過1000個瑞銀客戶、員工、學生參與,相當有意義。

[小琴密語]

上 / 下一篇新聞