港聞

港聞二

下一篇
上一篇

因為小鳳姐 林太再訪英華小學

【明報專訊】特首林鄭月娥噚日到訪直資男校英華小學,Emily聽校長林浣心講,林鄭2014年做政務司長時參觀過,今次重遊舊地係因為「小鳳姐」。事緣林太9月睇「金光燦爛徐小鳳演唱會2018」時,見到有小學生奏樂,對佢哋嘅演出讚不絕口,細問下,知道佢哋係來自英華小學管弦樂團、中國鼓隊、合唱團,於是促成咗噚日嘅參觀。

林太今年《施政報告》教育範疇其中一項政策新猷就係全方位學習津貼,鼓勵學校將學習空間從課室延展到其他環境。林校長話學校一直着重學生全方位學習,噚日就帶特首參觀學校課外活動,包括游泳、田徑、乒乓球、排球和舞蹈等,及學習英語朗誦、科學和視覺藝術嘅小組;林校長引述林太話好欣賞同學仔喺唔同範疇都表現優異,仲邀請咗學校嘅高級管樂團喺下月禮賓府開放日表演。

上 / 下一篇新聞