經濟

小琴密語

投資策略

下一篇
上一篇

驅逐分析員成名 李書沸任桐成執董

【明報專訊】唔知大家仲記唔記得,兩年前上市公司百富環球嘅財務總裁(CFO)李書沸(Chris)喺投資者會議,向分析員下逐客令事件?「一鬧成名」嘅Chris辭職後轉戰加密貨幣,先去交易平台OKCoin做CEO,今年再跳槽去火幣做財務總監,事隔兩年,Chris又再出任上市公司董事啦!

今年8月,火幣同裂變資本董事長滕榮松收購桐成控股(1611)超過七成股權,早前桐成控股宣布交易已經完成,公司仲公布,委任火幣管理層之一嘅Chris做執行董事、首席財務官及聯席公司秘書,火幣董事總經理霍力會做執行董事。

噚日公司仲宣布,前大股東徐乃成辭任非執行董事,唔再做董事會主席,其他一眾前朝董事齊齊辭職,而百富環球嘅獨立非執董葉偉明都會加入桐成控股,做獨立非執董。兩年後重返上市公司戰場,小琴期待Chris強勢回歸,可以同分析員搞好關係啦。

[小琴密語]

相關字詞﹕火幣 李書沸

上 / 下一篇新聞