港聞

港聞二

上一篇

陳章明去留未知 平機會新主席今公開招聘

【明報專訊】平機會主席陳章明嘅3年任期,轉眼間下年4月10日就屆滿,政府今日喺報章刊登廣告公開招聘新主席,下月2日截止申請。任內言論引嚟唔少爭議嘅陳章明有無得留低,仲係未知之數,至於陳章明今次會唔會申請,平機會發言人就同Emily講,陳章明休緊假,唔喺香港,聯絡唔上佢。

平機會一向推動社會平等同消除歧視,主席之職唔易做。申請人必須係香港永久居民,要符合多個條件,包括有良好教育水平,要對推廣平等機會同建立兼容、無壁壘同和諧嘅社會有強烈承擔,有至少15年公共行政、專業服務或私營機構高層管理相關經驗等。

平機會主席需經過公開招聘,最後由特首委任。今次已成立咗遴選委員會負責建議委任最適合嘅人選,由行政會議召集人陳智思做主席,成員有行會成員林正財醫生、小彬紀念基金會創辦人暨主席馬夏邐、理大協理副校長石丹理、勞工及福利局長同政制及內地事務局長。

相關字詞﹕陳章明 平機會

上 / 下一篇新聞