港聞

港聞二

下一篇
上一篇

反大嶼填海 阿牛扮海豚

【明報專訊】新一份《施政報告》提出「明日大嶼」填海大計,引嚟唔少反彈,社民連噚日亦上載短片反對,為咗吸引眼球,社記成員曾健成(阿牛)喺片中身穿海豚服飾,抱住海豚BB公仔(圖),企喺海邊扮海豚叫;副主席周諾恆(Jaco)為短片旁白,質疑填海影響生態、成本高昂,而過往填海得嚟嘅土地好多都唔係畀基層,認為政府應優先善用現有土地,強調香港並非無地。

短片以「反填.海豚牛」為題,Jaco話,粉嶺高爾夫球場、新界農地、丁地同閒置軍事用地等土地加埋已經多過「明日大嶼」提出嘅1700公頃(人工島),質疑填海係咪必要。佢估計填海連埋基建最終成本起碼要7000億至8000億元,「而大家都知道香港嘅基建係一定會超支」,又批評政府當年喺西九龍填海,話要改善市區居住空間,但填出嚟嘅地其實「變晒豪宅、故宮(文化博物館)、環球貿易廣場,重建區街坊就丟晒去天水圍」。

相關字詞﹕社民連 曾健成 明日大嶼

上 / 下一篇新聞