港聞

港聞二

下一篇
上一篇

黃植榮李民斌單車節上陣 兩度炒車 劉鎮漢再戰

【明報專訊】第4屆香港單車節嚟緊嘅星期日(10月14日)舉行,照舊有由CEO上陣嘅「總裁慈善及名人單車遊」,新鴻基地產執行董事兼副董事總經理黃植榮、東亞銀行執行董事兼副行政總裁李民斌同埋副行政總裁兼營運總監唐漢城會出戰,曾喺呢項賽事兩度炒車嘅旅發局總幹事劉鎮漢(Anthony),今年都再接再厲,連續第4年登場。

今次名人單車遊有20人參加,呢班巨頭會喺尖東梳士巴利道出發,沿麼地道及麼地里等踩近3公里,出力之餘仲出錢,每人要捐1.5萬元。

除咗地產同銀行界CEO,上陣嘅仲有愛好單車嘅包浩斯國際控股有限公司執行主席兼行政總裁黃銳林,女將有一田百貨行政總裁黃思麗,初次參賽嘅有加拿大駐香港及澳門總領事南傑瑞,同埋莊士機構國際有限公司聯席董事總經理莊家豐等。Emily祝選手一切順利,尤其要祝福Anthony,唔好再撞水馬喇!

上 / 下一篇新聞