港聞

港聞二

下一篇
上一篇

梁美芬瘦晒 Ann姐問:有艷遇?

【明報專訊】立法會放完暑假,復會後一眾議員終於再聚頭,幾個月冇見,大家身形似乎都有啲唔同咗。民建聯蔣麗芸(Ann姐)噚日一見到同屬九龍西議員嘅經民聯梁美芬,就忍唔住問對方做咩瘦咗咁多,連肚腩都冇埋,仲問梁美芬係咪有艷遇、第二春,講笑話曾經目擊有猛男搭住佢膊頭。梁美芬就話自己瘦身成功,相當開心,又稱搭膊頭嘅可能係佢囝囝。

陳恒鑌「被誤會」肥咗

民建聯陳恒鑌(Ben)就啱啱相反,噚日就畀人問佢做咩有肚腩,Ben就大呻係件衫累事,因為件衫有三層色,上面深色、下面淺色,搞到佢睇落好似有肚腩咁,話要考慮吓以後著唔著呢件衫,佢仲一度作勢想拉高件衫以證自己唔肥。不過,當Emily問佢有冇6嚿腹肌可以睇睇,佢就話「六神合體就有」,睇嚟佢要向梁美芬請教吓瘦身秘訣喇。

相關字詞﹕經民聯 民建聯 emily 立法會

上 / 下一篇新聞