港聞

港聞二

上一篇

監獄研智能化 認樣貌睇心跳

【明報專訊】科技發展為大趨勢,現時咩生意、政策都要搞搞智能大數據概念。Emily噚日聽到,本港嘅監獄院所都會「智能化」,今年研究引入「智能監獄」嘅試點計劃,由懲教署與機電工程署、建築署及政府資訊科技總監辦公室合作,在院所內試用生物特徵技術、維生指標健康偵測、視頻分析等,加強院所嘅管理同運作。

咁究竟即係點運作呢?Emily聽講會試吓引入容貌辨識系統,甚至分析身體語言動作,睇睇有無喺指定場所嘅囚犯違規,方便管理,因現時閉路電視片段都會有啲盲點,相信引入容貌辨識會幫到手;另外又會試吓喺院所內醫院收集羈留者維生指標如心跳等,監察其健康或會否做自殘行為。

政府都有留意涉及私隱,故會就計劃諮詢私隱專員,而終極會喺邊一級嘅高、中、低設防院所測試,或邊個院所嘅環節如工場或飯堂等試用,有待懲教研究。

另外,Emily噚日都聽到,入境處計劃於2021年起分階段推行「新一代個案簡易處理系統」,方便市民用流動裝置遞交申請,據悉亦會引入「電子支付」。

上 / 下一篇新聞