港聞

港聞二

下一篇
上一篇

議會陣線show新logo

【明報專訊】立法會各黨派噚日喺《施政報告》發表後,輪流發表意見,每個黨派只有約20分鐘開記者會回應,「議會陣線」對此非常認真,開記者會前,成員范國威特登用膠紙將議會陣線嘅logo貼喺咪上。Emily聽聞,由點、線組成個「陣」字嘅logo,係范國威幾星期前設計,聞說係因為有傳媒曾向議會陣線反映,佢哋無標記,報道有時因此出現困難,於是佢哋急急設計咗個logo。

范國威喺記招上,又拎住本「惡搞」施政報告嘅封面做道具,將特首林鄭月娥原本以「堅定前行 燃點希望」為題,惡搞成「前路難行 燃燒儲備」,並以熊熊烈火襯托,諷刺政策浪費公帑。議會陣線批評,林太話「燃點希望」係要摑前特首梁振英一巴,質疑係咪林太都認同過去政府令人失望絕望,先要再燃點番希望。

經民聯開記者會時亦有道具表達,有一個貼有「填海造地」字樣嘅藍色膠盆,各議員用鏟將沙倒入盆內象徵填海。不過張華峰(肥老闆)就失手,將啲沙倒咗喺枱上面,搞到下一手使用嘅工黨張超雄忍唔住話「成枱都係沙嘅」。

相關字詞﹕經民聯 范國威 議會陣線

上 / 下一篇新聞