經濟

小琴密語

投資策略

下一篇
上一篇

教授650萬賣地 Webb:應值3650萬

【明報專訊】美國普林斯頓大學著名經濟學者鄒至莊教授,喺55年前獲父親分配咗港島一幅地皮4%嘅權益,但佢本人懵然不知,直到去年因為有買家千辛萬苦搵到佢係持有人,出價650萬元收購先如夢初醒。不過,David Webb拆解事件,開玩笑話鄒教授作為經濟學者應該好了解「價值」,但佢幅地就至少賣平咗3000萬元!

事緣高等法院上星期批准鄒教授一宗申請,將一間佢持有4%股份嘅已清盤公司「復活」,呢間公司持有干諾道西101至102號萬豐樓旁邊一幅土地,但係公司1971年清盤時,股東、清盤人都忘記有呢幅地,直到近年有買家想收購呢幅地,先令事件曝光。

阿Webb就查到,個買家原來係著名地產商大鴻輝,佢話大鴻輝今年4月先用8.1億元掃咗喺同一條街上嘅晉逸海景精品酒店,呎價成2.13萬元,如果用番同一個價錢,鄒教授持有地皮嘅4%市值係3650萬元,即係足足賺少咗3000萬元呀!

[小琴密語]

上 / 下一篇新聞