港聞

港聞二

上一篇

就快七十 董耀中出山任旅署顧問

【明報專訊】坐鎮旅遊業議會20年嘅董耀中,舊年底退休,喺鏡頭前消失咗一排,原來佢已經靜雞雞復出,去咗旅遊事務署做顧問。

過多兩個幾月就踏入70歲嘅董耀中,舊年做退休訪問時講過,如果政府有嘢搵佢幫手,佢會盡力做。Emily最近聽聞,佢真係入咗政府幫手,幾個月前去咗旅遊事務署做兼職顧問,佢無論同入境、出境定做機票嘅業界都有偈傾,顧問工作當然係發揮佢嘅所長,聯繫業界。

旅遊事務署另一要務就係希望喺今年內通過法例成立旅監局,董耀中當然有份幫手,佢唔單止熟業界,更了解政策來龍去脈,出去做游說工作自然易好多。董耀中份合約暫時為期一年,之後會唔會過檔旅監局,咁就要到時再睇佢同政府嘅意願喇。

上 / 下一篇新聞