港聞

港聞二

下一篇
上一篇

港樂送別數碼敦煌展 港台文物下月接力登場

【明報專訊】Emily早前去咗沙田嘅文化博物館睇康文署嘅「數碼敦煌——天上人間的故事」展覽,欣賞以數碼技術展現嘅洞窟同壁畫,展覽本月22號就完,康文署會喺14號同21號下晝3點至3點半,搞兩場「《慈悲頌》與數碼敦煌」音樂表演,邀請香港管弦樂團暨合唱團同樂師喺博物館地下大堂演繹以敦煌為題材嘅樂曲,為展覽畫下完美句號。

至於下一輪嘅專題展覽,Emily據聞下月7號至明年2月25號,康文署會同香港電台聯合主辦「光影流聲──香港公共廣播90年」展覽。翻查資料,原來政府喺1928年6月接手經營民間廣播組織「香港無線電廣播社」,成為港台嘅前身,今次展覽會重塑錄音室同經典節目場景,又展出港台嘅舊物、相片同影音片段,例如1930年代嘅播音室用咪、1941年嘅電台節目表,向觀眾呈現香港廣播業同港台嘅發展歷程。

相關字詞﹕康文署 公共廣播90周年 敦煌展覽

上 / 下一篇新聞