經濟

小琴密語

投資策略

下一篇
上一篇

畢馬威:貿戰下大灣區更趨重要

【明報專訊】近排大家都關心貿易戰,冇咩人講大灣區?畢馬威中國香港區管理合伙人劉麥嘉軒就話,其實貿易戰更加反映到大灣區有幾重要!畢馬威、匯豐同香港總商會喺今年6月至7月,舉行聯合調查,透過網上同書面問卷,訪問714名內地、香港及澳門企業高層,有77%受訪者預計大灣區經濟增長會快過中國其他地區,亦57%受訪者所屬的公司已經或者開始制定針對大灣區嘅政策。

劉麥嘉軒解釋,貿易戰下中國需要發展自己嘅科研,大灣區就可以提供良好科研平台,成為支持國內消費增長引擎,同埋發掘新興國家市場,幫助「一帶一路」發展。香港總商會副總裁陳利華都話,現時美國限制技術輸出,令大灣區發展更為重要,相信政府會加大投放區內資源。

可提供良好科研平台

匯豐香港工商金融主管趙民忠就好直接咁講,唔想見到貿易戰,但只能透過政治解決,點都對經濟有啲負面影響。他建議,企業可以諗吓轉型。

[小琴密語]

上 / 下一篇新聞