港聞

港聞二

下一篇
上一篇

電子煙都關港獨事 煙草協會:好無奈

【明報專訊】食物及衛生局今年中提出規管電子煙、加熱煙等新興煙產品嘅立法建議,用類似規管傳統香煙方式,禁止向未成年人出售兼徵收稅款,旋即引起醫學界、教育界反彈,要求政府全面禁止;前特首梁振英(CY)前排都有意見,話吸食電子煙係錯嘅,應以「反對吸食電子煙的態度反對港獨」。對於吸食電子煙「升格」至政治議題,煙草事務協會就話好無奈,認為係主觀嘅睇法。

回應CY 「兩者拉唔埋」

煙草事務協會噚日邀請傳媒茶敘,重申煙商立場係反對向未成年人銷售煙產品。對於CY早前嘅言論,煙草事務協會主席胡易梅就話,有關講法屬於政治上嘅議題,覺得好主觀,「兩者(電子煙同港獨)都拉唔埋,但夾硬要拉埋,好無奈」。

在場其他協會會員又提到,佢哋好願意同唔同持份者交流,不過曾經被吸煙與健康委員會「拒諸門外」,參加唔到研討會。Emily就提議,不如同委員會搞番個公開辯論,等社會大眾可以了解正反意見,不過在場會員就無正面回應,只係話呢個係「新興諗法」。

上 / 下一篇新聞