港聞

港聞二

下一篇
上一篇

延長產假非為鼓勵生育 羅致光澄清:唔少人想當然

【明報專訊】《施政報告》星期三公布,預料政府將會公布延長產假至14周,學者出身嘅勞工及福利局長羅致光噚日喺網誌未有透露施政報告內容,後記為此向記者「致歉」,但就為政策立場澄清,佢形容延長幾周產假可以增加生育率只係唔少人「想當然」嘅估計,佢只可以肯定地講﹕延長產假係唔會減低生育率。

目標提供基本保障

羅致光話,研究係咪延長產假,目標係為孕婦提供基本保障,並達至國際勞工組織嘅要求,亦可以對BB健康、增加母乳餵哺嘅機會及周數等有好處,佢話自己8月底嘅網誌已總結國際研究嘅結果係「延長產假能否增加女性勞動參與率,不能斷言」,但仍有評論指佢希望延展產假去增加女性勞動參與率,局長更以比喻反駁,「若有人說喜歡食雪糕,亦希望減肥,我們是否可以指他認為食雪糕可以減肥?」

網誌「後記」形容,仲有唔少政策立場要澄清,唔可以亦唔需要盡述,而不論係誤解、「明屈」定係斷章取義,佢都會視為「常態」嘅部分,只可以喺適當時間適當澄清咁話。

相關字詞﹕產假 羅致光

上 / 下一篇新聞