金管局RTGS短片 似足日本《工作細胞》

【明報專訊】金管局最近忙於搞最新的即時支付系統(RTGS),亦即係原定下個禮拜一會宣布的快速支付系統(Faster Payment)。為咗令大家更了解系統,金管局專門整左段片介紹RTGS,放埋上佢哋的facebook,網上反應好大,但網民關心嘅唔係RTGS,而係短片角色造型同片段,與近期大熱的日本動漫《工作細胞》極為相似,短片一男一女角色造型明顯與原著主角紅血球同白血球的衣著、顏色十分接近。連原著紅血球喺度跑的橋段都抄埋,話係RTGS喺度運錢。短片以「確保金融體系暢順運作嘅『工作細胞』」為標題。大部分網民留言都話金管局侵權。不過,亦有網民話金管局呢個post冇講明係原創。咁個post又的確寫咗「工作細胞」,英文寫「Cells At Work」,咁金管局到底係致敬定係抄襲,真係見仁見智。

上 / 下一篇新聞