立會開放參觀 試扮議員局長開會

【明報專訊】雖然立法會10月先復會,喺呢段時間嘅公眾參觀立法會大樓活動仍然繼續,下個月就有50幾個團體報名參加公眾參觀活動,除咗中、小學同幼稚園,仲有日間老人中心。立法會公共資訊部噚日就出通告畀議員,邀請佢哋參與參觀活動,佢哋可以揀帶隊參觀大樓,或者參與學生嘅角色扮演。角色扮演啲咩?成日接待參觀團嘅教育界議員葉建源話,參觀團會有模擬大會環節,畀學生試扮局長、議員同立法會主席。

上 / 下一篇新聞