林鄭訪歐 做埋天氣小姐

【明報專訊】特首林鄭月娥正喺歐洲外訪,佢抵達比利時布魯塞爾時做埋「天氣小姐」,報告當地天氣,仲叫大家繼續留意佢嘅外訪之旅。林太噚日喺facebook上載坐車離開布魯塞爾國際機場嘅片段,坐完長途機嘅佢精神唔錯,喺車上話「𠵱家係早上7點鐘,出面嘅氣溫只得攝氏10度,我將會喺呢度開展我喺歐洲13日嘅官式訪問」。林太今次行程之一會同歐盟委員會及比利時政府高層官員會面,並會出席唔同活動,推廣香港同參觀當地文化設施。林太稍後會轉往法國,出席「一帶一路」建設及房地產科技嘅研討會,並會同當地高層官員及國會議員會面。

上 / 下一篇新聞