趕唔切狙擊區諾軒 王國興匯報失敗

【明報專訊】工聯會王國興2016年輸咗立法會選舉後就成立「23萬監察」(佢攞咗23萬票),先後狙擊唔同民主派人士,有需要時更會向廉署舉報等。喺3.11補選當選立法會議員嘅區諾軒,又被人指係「港獨分子」,亦成為王國興狙擊嘅目標,一早表明喺選舉呈請截止限期前,入稟挑戰區諾軒嘅議席。不過王國興聲稱雖然「日以繼夜、夜以繼日」去做,都趕唔切喺限期前解決有關困難提出呈請,佢更喺facebook匯報呢次「失敗」,形容係「功虧一簣、事非得已、萬二分遺憾」。

上 / 下一篇新聞