港聞

港聞二

下一篇
上一篇

泛民撐財案為政敵錦上添花? 朱凱廸勞嘈 莫乃光:咪中建制派計

【明報專訊】立法會前日(10日)三讀通過林鄭政府上場後首份《財政預算案》,只得11票反對票,係10年新低。民主派中,公民黨同議會陣線反對,民主黨7人棄權,專業議政莫乃光、梁繼昌和李國麟投贊成票,葉建源棄權,邵家臻缺席。議會陣線朱凱廸噚日就好勞氣喺facebook話,民主派議員嘅取態令人憂慮,又認為只有兩個情况下,民主派先應該考慮支持預算案,包括容許議員提出增加預算嘅修正案、政府答應落實全民退休保障。佢又反問,有「保皇派」支持已夠票通過預算案,泛民係咪應該為政敵「錦上添花」。

上 / 下一篇新聞