雷鼎鳴﹕友內地「叫雞」可手機付款 讚科技勝港 稱無貶意

【明報專訊】香港科技大學經濟系前系主任及榮休教授雷鼎鳴(圖)噚日出席香港發展論壇舉辦嘅「回歸20周年—國家與香港」研討會時,提到內地經濟、科技進步,生活方便過香港,仲舉例話自己有朋友「叫雞都可以拎部手機出嚟照(付款)」,言論引起在場人士側目。Emily事後問番雷鼎鳴,佢直認「叫雞」係講緊召妓,話唔覺得用字有咩問題,而以佢理解呢個字眼出處,唔係形容「prostitute(性工作者)」係「雞」,而係用普通話講「召妓」和「叫雞」發音相似。

上 / 下一篇新聞