【明報專訊】香港防疫措施變幻莫測，近日突然將檢疫期縮至「0+3」，但對本地餐飲業嘅防疫仲未鬆綁，唔少商家都呻佳節當前，港人外遊將成行業「最後一根稻草」。喺香港經營「利寶閣」酒樓及泰式餐廳「象屋」嘅利寶閣（1869）噚日就嚟一個「最後控訴」，發公告話由於業主信和（0083）唔肯減租，旗下最後一間餐廳、奧海城嘅利寶閣即日執笠，要到11月中環世紀廣場利寶閣新店開業，先會有番一間餐廳。
