【明報專訊】有老友去送兩名高級職員移民英國，見到一班伙記都嚟送行，他覺得非常奇怪。因為在較早前的送行宴，兩名高級職員一唱一和，認為香港已經冇前途，今日唔走，明日唔知可唔可以走，並且指出，有證券公司話香港明年樓價會下跌15%，兩名職員覺得證券公司的報告是非常厚道，明年樓價一定唔止跌15%，而且後年會繼續下跌，真的是早走早着，遲走瞓唔着。成班伙記食得背脊骨落，老友亦非常冇癮，所以，一班伙記嚟送行的確是出乎意料之外。
