【明報專訊】集體回憶返嚟啦！大酒店（0045）旗下山頂纜車舊年中開展升級工程，相隔9個月終於有新消息。集團話，第六代山頂纜車前日已正式開始進行來往穿梭山頂嘅測試工程（圖），相信今年夏季就可以投入服務。集團透露，整項升級工程用咗幾億元，當中包括全面更新動力及拖曳系統同纜索、鋪設新路軌、加固地基及結構，同埋全面翻新山頂總站及擴建中環總站，以容納更多乘客。
