【明報專訊】虛擬銀行ZA Bank（眾安銀行）短期內會推出App 2.0，以新界面示人。小琴噚日率先試用咗新界面，覺得耳目一新。首先喺主頁可自設啱自己用嘅「小工具」，帳戶結餘、當月簽帳、ZA Coin或者其他自己常用嘅資訊，可以一目了然。App 2.0新增「社區」功能，將Blog同教學都聚集一齊，就好似App嘅一個交流平台，用戶可以喺度學點樣使用紅包，了解品牌同產品資訊等。
