湯文亮：英申按揭 小心「八九不離十」

【明報專訊】有唔睇好香港前景的朋友將以BNO簽證移民，仲話應該一早就要走，昨日仍然留在香港已經嫌多，正是「棄我去者昨日之日不可留」，人各有志。朋友的經濟條件並不十分足夠，在英國買樓，一定要做八成按揭，物業代理亦話冇問題，八九不離十，朋友放心買樓，但最後竟然不獲批准按揭，於是話物業代理畀錯訊息，八九不離十原來不是真的，物業代理話朋友誤會，真正的意思是在英國申請八成按揭，九成不會批，申請人十分冇癮。