大新推夾公仔 單一簽帳500元有1個代幣

【明報專訊】大新銀行（2356）噚日宣布推出信用卡「人人大賞頭」遊戲推廣，聲稱係突破性、創新網上實時遙控夾公仔遊戲，但小琴睇個界面，即刻諗起某家虛擬銀行嘅現金回贈抽獎界面，大家都係夾扭蛋，好有親切感！唔同嘅係大新嘅界面可以畀客人控制爪嘅方向，同埋如果要抽獎嘅客戶多起上嚟，真係有機會要排隊等夾公仔咯。