【明報專訊】獨立股評人David Webb喺香港活躍咁多年，噚日佢就發文話，至今已正式來港30年喇。佢話，當年自己只係一粒薯仔banker，傻吓傻吓嚟到香港，唔經唔覺就成家立業，也希望咁多年嚟，都叫做對香港有少少回饋。貢獻實有喇，Webb曾經揭發「謎網50」妖股，咁多年來都直言不諱為小股東爭取權益。可惜嘅係，Webb都話，經過泛民議員清洗、反對派傳媒執笠，如果係25歲嘅佢，對住今日冇曬生氣嘅香港，可能都未必會再作出同樣嘅選擇。 相關字詞﹕中央計劃經濟 香港人珍重 david webb 小琴密語
