【明報專訊】疫情之下好多人飯碗不保，唔好講加人工，唔使減薪、停薪留職已經偷笑。不過小琴睇澳博（0880）年報時，發現賭王二房千金何超鳳逆市加人工，年薪增加40萬到1670萬，加幅2.5%，即每個月袋多3.33萬，而且超越四太梁安琪嘅1610萬𠻹！相反，四太嘅人工下調210萬，至1610萬，跌幅11.5%，主要因為少咗按表現釐定嘅特別袍金，造成兩人差距。
