傳中金前高層「派帽」 人夫大方談離婚後事

【明報專訊】內地投行一哥中金（3908）前晚出通告，宣布合規總監陳剛因為身體原因離任，噚日內地網上隨即流傳陳剛同一名已婚女下屬搞婚外情，本來職場桃色緋聞非新鮮事，但據佢同女下屬丈夫嘅一段對話錄音，兩人唔單止無鬧交仲非常客氣，被「派帽」嘅女下屬丈夫話會力爭孩子撫養權，陳剛就話就算由佢去撫養，必定盡力善待孩子咁話。