【明報專訊】我阿媽曾經同我講過，每年有幾日，阿嫲同她的朋友都會失去常態，就是當麥炳榮（牛榮）、鳳凰女到澳門演粵劇，她們不是迷鳳凰女，而是迷牛榮。當時還有幾個佬倌，可惜任劍輝唔係男人，羅劍郎有些娘娘腔，林家聲唔夠man，牛榮豆沙喉，有男人味，反而迷倒一班事業成功職業女性，連我阿嫲都被迷倒。麥炳榮、鳳凰女首本名劇《鳳閣恩仇未了情》，大家唱卡拉OK都唱唔少，異國情鴛驚夢散，原來又是雙重國籍這個問題。
