【明報專訊】舊年虛銀先後開業，現時鬥得難分難解，呢幾日WeLab Bank（匯立銀行）就推出咗一款儲角色嘅小遊戲，請咗本土插畫家「東尼電機」將香港18區形象擬人化，都好有心機。簡單啲講，每日可以登入App抽一次角色，儲齊18個就可以參與終極抽獎，大獎係現金1.8萬元。小琴即刻抽咗一次，開到沙田區代表「馬場發叔」，作為屯元天居民，又真係幾想見吓「屯門牛哥」同「元朗老婆丙」個設計。遊戲去到3月底為止，新用戶儲夠5個角色就會有50元現金獎。 相關字詞﹕匯立銀行 虛擬銀行 小琴
