【明報專訊】盛傳上市在即的富衛（FWD）最近推出新廣告，不過今次就揾嚟一班員工做主角，小琴睇完先知，原來富衛員工咁多才多藝，其中仲有曾經代表香港參加亞運嘅運動員。富衛大中華區首席市務總監謝振國話，感到驕傲可以推出如此激勵人心嘅短片，為大眾於當前呢個萬變嘅時刻帶來啓發，繼續勇往直前。片中主角分別來自富衛六個不同團隊，亦各有特色，好似產品開發及管理部許詠淇係亞運賽艇香港選手，傳訊部潘敬道係音樂唱作人同本地樂隊成員，銀行保險部黃子仁就係跆拳道教練，而品牌及企業傳訊部謝雅姿係拉丁舞港隊成員。富衛係電訊盈科（0008）主席李澤楷旗下公司，早前市場盛傳富衛擬明年上市集資。
