匯豐推手機開立投資戶口服務

【明報專訊】虛擬銀行近月陸續推出服務，傳統銀行都需要改變自己迎戰，匯豐繼取消26項基本銀行服務收費後，又宣布個人銀行客戶由噚日（11日）開始可透過手機遙距開投資戶口，唔使再親自落分行處理啦！該行指合資格客戶登入匯豐流動理財應用程式後只需要進行6個簡單步驟就可以係手機完成開立投資戶口手續，當中包括提供過去3個月內嘅住址證明，以及須完成風險取向問卷等。