湯文亮：讀傳理系 高人一等的年代

【明報專訊】我在澳門讀中學，畢業後去外國讀書之前，在香港浸會讀大專，當時住宿舍，基本上是玩，不是讀書。有一日，在晚飯時見到一位讀二年班的師兄好似死狗一樣，那位師兄讀工商管理，一向非常熱心幫助新入學的新生，尤其是女同學，仲要靚女嗰隻。我問佢點解好似死狗一樣，佢話下午見到一個靚女，主動問有什麼可以幫忙，靚女望了他兩眼，然後爆了一句「我讀傳理系噃」，師兄立刻好似一個泄了氣的皮球，到晚飯時仍然好似死狗一樣。