【明報專訊】新民黨一眾立法會議員早前到機場參觀，視察第三條跑道（三跑）嘅中跑道建築工地，黨主席葉劉淑儀對於能踏上機場跑道相當高興，更舉高雙手打卡留念。葉太認為，香港機場正不斷提升運力和競爭力，批評外媒因政治刻意貶低其地位。
葉太日前率領黨友參觀機場，眾人喺機管局行政總裁林天福介紹下，走訪中央控制室、停機坪、正進行工程嘅中跑道等。葉太話除非發生事故或特別安排，一般市民唔可能喺跑道行走，形容當日機會係「一生中難得」，佢更興奮地舉起雙手、企喺跑道中央打卡。
新民黨一行人亦了解咗機場無人駕駛車隊運作，並試坐無人駕駛巴士。葉太話巴士舒適、穩定同安全，認為車隊行駛精準，並引述負責人指運作至今5年「零意外」。葉太認為，香港機場係亞洲最先進同世界最高效率嘅機場之一，質疑外國傳媒刻意貶低，有信心機場會繼續成為世界典範。