【明報專訊】五一勞動節將至，工聯會唔搞遊行，但透過酒會慶祝，亦邀請特首及官員探訪工人等表達訴求。工聯會五一酒會噚晚舉行，特首李家超主禮致辭時點名讚工聯會會長吳秋北，話佢係23條立法嘅法案委員會成員，積極審議法案。李仲話留意到吳最近發表咗一篇提倡勞動模範、大國工匠嘅文章，值得同大家分享，話文章提到香港有好多勇於擔當、堅守崗位、捨己為人嘅勞動者，係勞動模範精神。
喺酒會上，一眾嘉賓及代表舉起「弘揚勞動價值」字牌拍照，左二起：解放軍駐港部隊副司令員譚志偉、工聯會理事長黃國、中聯辦副主任何靖、特首李家超、工聯會會長吳秋北、外交部駐港公署副特派員李永勝、國安公署聯絡局長鄧建偉。