【明報專訊】港鐵將喺紅磡站搞「『站見 』鐵路展」，展品包括「黃頭」、「烏蠅頭」及「56號柴油機車」三款舊列車，展覽喺4月27日開始，暫時只限周六、周日同公眾假期開放，每日500名額，但網上預約顯示，30日內嘅參觀場次已爆滿。據Emily所知，港鐵見反應熱烈，計劃稍後安排周一至周五都開放埋。
展覽暫安排周末及假期開放畀市民預約，平日會接待團體、學校等機構參觀。港鐵嘅預約網站都露咗口風，話由7月起將增設平日時段畀公眾。
Emily噚日率先預覽，展覽除咗3部舊列車，仲有百幾件向港鐵老員工募集而來嘅舊物，相信勾起唔少人嘅回憶。