【明報專訊】原定上月在港開設家族辦公室嘅「迪拜王子」阿里．馬克圖姆（Sheikh Ali Al Maktoum）成為全城熱話，繼恒生大學喺新聞稿刪走委任「王子」做榮譽教授等內容後，噚日起各大傳媒都發現，阿里家族辦公室嘅網站同社交平台LinkedIn嘅帳號齊齊消失。
阿里家族辦公室網站原有阿里本人嘅介紹、團隊名單、過去出席活動圖片等資料，噚日全部唔見晒，轉到去該網站嘅互聯網服務供應商Wix頁面，網頁顯示「這個網域好像還沒有連線網站」。
根據Emily理解，搞到滿城風雨後，辦公室之後策略會全面低調，但未知網頁下架係唔係策略一部分。阿里嘅家族辦公室透過公關回應時未直接評論，話因為迪拜當地放假，放到下星期一，之後返工後會再回覆。據辦公室早前講法，阿里家族辦公室會延至5月開幕。
相關字詞﹕迪拜王子