【明報專訊】舊年9月嘅世紀暴雨，港島近爛泥灣一段石澳道因山泥傾瀉路陷，當局需封路搶修，多月嚟只開單線雙程行車。路政署噚日話，經公共巴士試路後，路段喺噚日下晝約5點全面恢復兩線行車。對於路段封閉逾5個月，大浪灣村民黃小姐噚日同Emily講，「開番咪好囉！」但質疑整得太耐，話好多時都見唔到維修人員做嘢，仲話啲交通燈成日壞𠻹！
