【明報專訊】中央港澳辦主任夏寶龍上周四來港展開為期7日嘅考察調研，噚日朝早又落區去到黃大仙飲早茶，有在場茶客接受訪問，話見夏主任「幾好呀」，有同夏主任「笑笑口揮手」，仲形容夏「幾親民」。有地區人士發現，呢名茶客都有一定分量，係東九龍居民委員會永遠會長吳慧英。Emily隨後打過畀委員會另一名永遠會長李德康，問佢知唔知道慧英姐係咪去咗捧夏主任場，李會長就話，「咁都唔出奇，我哋成日都喺附近飲茶㗎啦」，但佢強調「唔敢肯定」嗰名茶客係咪吳慧英。 相關字詞﹕吳慧英 東九龍居民委員會 夏寶龍 夏寶龍訪港
