【Emily】「夜饗樂」百元餐飲券開派 首輪10萬份 直至元旦 港鐵搭5程送10蚊

【明報專訊】踏入聖誕、農曆新年旺季，旅發局及各界都想方法谷消費。旅發局推出20萬份「香港夜饗樂」餐飲消費券，市民今早10點起可以喺旅發局網站免費領取第一批10萬份餐飲消費券，每份100元，領取之後，喺每晚6點後去名單內食肆或酒吧堂食消費滿100元，就可以減100元。大家要注意，領券之後要喺30日內使用，如果同枱有多過一個人持有消費券，可以喺同一帳單疊加使用。