【明報專訊】政府推動「夜繽紛」，西九龍文化區都有響應，政務司長陳國基及副財政司長黃偉綸周日晚就去咗西九參與「夜樂西九」活動，去咗大草地流動音樂會場睇表演，話觀眾可以安坐草地上聽音樂，感覺「零舍不同」。不過，陳國基都話「明白改變生活習慣需要持之以恒，不能一步到位」，因此政府會繼續聯同商界、零售界等伙伴舉辦更多晚間活動。佢又喺社交媒體話，大家參與「夜繽紛」活動同時，勿忘記12月10日區議會選舉投票。
