【明報專訊】噚日係解除防疫措施後首個萬聖夜，唔少人盡情扮鬼扮馬。Emily去咗熱門慶祝地方中環蘭桂坊，見到愈夜愈熱鬧，成條街人頭湧湧。好多市民遊客悉心裝扮，周圍都係「惡魔」同「鬼怪」，仲有人扮動漫「海賊王」角色同內地網紅公仔「賣崽青蛙」，有年輕人就喺身上掛上「最後一代」字牌去派對。有特意嚟香港感受節日氣氛嘅內地遊客大讚氣氛好。有商戶話今年氣氛係疫情以來最好嘅一次，預計生意額比上年多三成。蘭桂坊協會總監張素媚就話今年萬聖節氣氛嚟得早，估計酒吧同餐廳整體生意升50%。 相關字詞﹕蘭桂坊 夏蕙姨 萬聖節
