【Emily】暴雨冇用緊急警示 鄧炳強解畫

【明報專訊】政府2020年耗資1.5億元設立「緊急警示系統」，至今只有喺新冠疫情期間啟動過一次，「震動」大家嘅手機。早排香港經歷500年一遇嘅大暴雨同10號風球，唔少人關注點解政府唔動用緊急警示系統，保安局長鄧炳強噚日回覆立法會議員陸瀚民嘅書面質詢時，解釋緊急警示系統嘅發放安排同程序，指緊急警示分為兩級，係「緊急」同「極度緊急」，發出前須由政策局長或政務司長批准。