【明報專訊】貿發局喺法國巴黎舉辦「成就機遇．首選香港」論壇，仲帶咗間茶餐廳去巴黎𠻹。政府新聞處發放嘅相片所見，貿發局以茶餐廳形式設計攤位，以綠白色做主調，地板黑白色，睇落幾有香港色彩，不過最重要係擺放咗幾個「卡位」、放埋餐牌，並即場提供蛋撻、雞批等港式小食畀在場外國與會者品嘗，以「軟實力」宣傳香港。
