撐區選方案 聯盟稱蒐161萬簽名

【明報專訊】政府早前提出區議會改革方案，將會提交立法會審議，不過翻查立法會日誌，距離立法會暑假休會只有6次會議，到底可唔可以順利審議呢？立法會內會主席李慧琼噚日就話，立法會喺審議具迫切性法案方面有經驗，相信議員都清楚，區議會將於年底換屆，議案有迫切性，而且立法會之前已成立一個委員會專門準備審議方案，預計法案喺立法會首讀後，委員會變成法案委員會，會盡快展開相關工作。